Puntland: Agaasime loo magacaabay hay’adda Socdaalka iyo Jinsiyadaha
-
- Posted On 15-10-2017, 08:18PM
GAROOWE, Puntland- Wareegto kasoo baxday xafiiska Madaxweynaha dowladda Puntland Cabdiwali Maxamed Cali Gaas ayaa Agaasime loogu magacaabay hay’adda Socdaalka iyo Jinsiyadaha dowladda Puntland.
Maxamed Cabdi Faarax (Qambi), ayaa loo magcaabay Agaasimaha Guud Ee Hay’adda Socdaalka Iyo Jinsiyadaha Dawladda Puntland, waaxaana Booskan horay u joogay Maxamud Faarax Ashkir.
Qambo ayaa kamid ahaa kaaliyaasha Madaxtooyada Puntland, waxayna qaraabo dhow yihiin Madaxweyne Cabdiwali Maxamed Cali Gaas.
Lama oga sababta Ashkir xilka looga qaaday, balse bishii May ee sannadka wareegto kasoo baxday Madaxweyne ku-xigeenka Puntland ayaa shaqo fariisin loogu sameeyay inkastoo mar dambe loo fasaxay.
Halkaan Ka Akhri Wareegtada Madaxweyne Gaas:
Digreto kasoo baxday xafiiska Madaxweynaha dawladda Puntland Dr. Cabdiweli Maxamed Cali Gaas oo lagu magcaabay Xeer Madaxweyne Lr-121 October, 15, 2017
Agaasimaha Guud Ee Hay’adda Socdaalka Iyo Jinsiyadaha Dawladda Puntland.
Madaxweynaha Dawladda Puntland;
Markuu arkay: Dastuurka dawladda Puntland
Markuu arkay: Aqoontiisa, kartidiisa iyo waayo aragnimadiisa shaqo
Wuxuu Xeeriyey:
Waxaa Maxamed Cabdi Faarax (Qambi) loo magcaabay Agaasimaha Guud Ee Hay’adda Socdaalka Iyo Jinsiyadaha Dawladda Puntland.
Xeerkani wuxuu dhaqan gelayaa markuu Madaxweynuhu saxeexo, wuuna saxeexay Madaxweynuhu.
GAROWE ONLINE
