Puntland: Camay oo furay shir maamul-wanaagga ku saabsan
-
- Posted On 09-02-2016, 05:48PM
GAROWE- Madaxweyne ku-xigeenka Puntland Cabdixakiim Cabdulaahi Xaaji Cumar "Camey", ayaa Maanta 09-Feb-2016 magaalada Garoowe ka furay shir looga hadlayey Maamul baahinta iyo barnaamijka horumarinta degmooyinka ee (JPLG).
Shirka, waxaa kasoo qayb galay xubno kasocda degmooyinka gobollada Puntland ee uu ka socdo barnaamijka JPLG kuwaas oo soo bandhigayey waxyaabihii ay ka faa’iideen muddooyinkii uu socday iyo qorshahooda mustaqbalka dhow.
Madaxweyne ku-xigeenka Dawladda Puntland ayaa uga mahadceliyey Hay’adaha Puntland ka caawiya dhinaca horumarinta, isagoona geesta kale ku ammaanay degmooyinka nasiibka u helay JPLG sida uga faa’iideysteen.
Cabdixakiim Cabdullahi Camay, ayaa sidoo kale ku booriyey guddoomiyaasha Degmooyinka Puntland in aanay ku fekerin mucaawinooyinka ay helaan oo keliya, balse layimaadaan qorshe bulshada ku horamarin karaan iyagoo ka duulaya qorsha Puntland Haysku Tashato.
Wuxuu ugu baaqay hay'adaha inay sii wadaan taageerada ay siiyaan Puntland, khaas ahaan qorshaha ku aaddan JPLG, wuxuuna tilmaamay inaysan jirin degmo aan la gaarin karin, maadama sida uu xusay inta badan la adeegsado "Gaari-waa".
Barnaamijka hormarinta degmooyinka Puntland ee JPLG, ayaa ku eg sannadka 2016, waxaana inta badan meelaha uu ka socda ka faa'iidaan mashaariic lagu hormarinayo kaabayaasha dhaqaalaha gaar ahaan jidadka.
GAROWEONLINE
