Puntland: Doonyo kalluumaysi oo lasoo bandhigay
-
- Posted On 02-03-2016, 01:11PM
BOSASO-Taliyaha ciidanka Badda Puntland Admiral Cabdirasaaq Diiriye Farax,oo warbaahinta kula hadlayay magalada Bosaso xarunta gobolka Bari, ayaa ka warbixiyay doonyo lasoo qabtay iyagoo jariif kawada nawaaxiga degmada Qandala gobolkaasi.
Admiral Cabdirasaaq, ayaa sheegay in doonyahan laga leeyahay dalka Iran, islamarkaana saarnaayeen dad uusan caddayn tiradooda kuwaasi oo Somali iyo ajaanib isugu jiray.
Wuxuu tilmaamay in sharciga la horgayn doono dhammaan dadkaasi oo xusay inay isku danbiyihiin.
Taliyaha, ayaa sidoo kale ammaanay shaqada ciidamada Badda Puntland isagoo ku sifeeyay halyeeyo dadka iyo dalka u adeegaya.
Cabdirasaaq Diiriye ayaa sheegay in shantaasi doonyood badda Puntland ku hayeen jariif islamarkaana ku xadgudbeen sharciga waddanka u yaalla.
Arrintan, ayaa timi xilli shalay qaylo dhaan xooggan katimi tuulada Marraya gobolka Nugal, halkaasi oo dadka deegaanka ka codeen jariiflayaa barriga soo gaaray islamarkaana rasaaseeyay shacabka iyagoo guranayay agab Kalluumaysiga u sahlaya.
Waxaana gudoomiyaha tuuladaasi Radio Garowe u xaqiijiyay in ciidamada badda Puntland oo lagu wargaliyay arrintaasi u sheegeen inaysan mandate u haysan wax ka qabashada jariiflayaashaasi.
GAROWEONLINE
