Puntland: Guddi kala saaraya maxaabiista oo la magacaabay
-
- Posted On 12-04-2016, 02:07PM
GAROWE- Kulan maanta isugu yimaadeen saraakiisha amniga Puntland gaar ahaan Boliiska iyo laamaha garsoorka ayaa looga hadlay xaaladda amni iyo qaabka loo kala saarayo maxaabiista lagu soo qabto howlgallada ciidamada amniga oo qaybtood ku eedaysanyihiin falal la xiriira Shaabaabnimo.
Shirkan ayaa lagu shaaciyay guddi la magacaabay oo shaqadoodu tahay kala saarista dadka howlgalka lagu soo qabto kuwaasi oo saraakiishu u kala saareen saddex qaybood oo kala ah;
1-Tuhmane Alshabaab
2- Dambi laawe
3- Iyo tahriibe.
Howlaha lagu xaqiijinayo tuhunka maxaabiistaasi ayaa waxaa garwadeen ka hay'adda dambi baarista Puntland CID-da.
Taliyaha ciidanka Boliiska Puntland General Cabdirasaaq Afgaduud, ayaa kulanka kadib warbaahinta la hadlay, wuxuuna sheegay in shirkan uga arrinsanayeen sidii loo xoojin lahaa ammaanka Puntland iyo qaabkii looga hortagi lahaa falalka kooxaha nabad diidka ah.
Shirkan, ayaa kusoo beegmay xilli maanta wasiirka amniga Puntland shaaciyay in ku dhawaad 100 qof oo kooxda Shabaab u qaabilsan dilalka qorshaysan shacabka ahaan usoo galiyeen deegaanada Puntland , isagoo xusay inay qabteen 55 kamid ah.
GAROWEONLINE
