Puntland oo lagu casuumay shir ka dhacaya New York
-
- Posted On 12-03-2016, 11:59AM
Waxaa maanta magalada Garowe ka dhoofay xubno katirsan dowladda Puntland oo ka qayb galaya shir ka dhacaya dalka Maraykanka gaar ahaan magalada New York oo looga hadlayo tacadiyadda haweenka loo gaysto.
Puntland, waxaa uga qayb galaya xubno kasocda wasaaradaha Cadaaladda iyo Haweenka, iyagoo madasha la tagi doonan khudbado ku salaysan xaaladda dumarka Puntland iyo shuruuxo la meelmariyay oo lagu yaraynayo tacadiyada.
Wasiirka Cadaaladda Puntland Saalax Xabiib Xaaji oo la hadlay Radio Garowe, ayaa sheegay in shirkaasi socon doono 12 casho isla markaana soo qaban qaabisay hay'ad katirsan Qaramada Midoobay gaar ahaan UNFPA.
Saalax ayaa xusay in wasaaradiisa lagu casuumay maadama ay sameeyeen sharci xadiday kufsiga haweenka loo gaysto.
Shirkan ayuu tilmaamay inay ka qayb gali doonaan dowladda Federalka Somalia gaar ahaan wasaaradda haweenka.
GAROWEONLINE
