Puntland oo sheegtay Xiliga Roobaka Gu’ga ay ka bilaamayaan Deegannada Puntland

Xarunta Maareynta Xogaha Biyaha ayaa soo saartay Saadaasha roobka ee xilliga Gu'ga 2024.

GAROWE, Soomaaliya - Xarunta Maareynta Xogaha Biyaha iyo Dhulka Puntland ayaa soo saartay, Saadaasha roobka ee xilliga Gu'ga 2024 waxaa la filayaa inay noqoto 55% ilaa 65% mid sarreysa, iyadoo laga eegayo dhammaan deegaanada Puntland, sida ku cad khariidadda saadaasha roobka. Khariidaddan waxay muujineysaa celceliska roobka ee bilaha Maarso, Abriil, iyo Maajo.

Warbixinta roobka xilliga Gu’ga, oo ay soo saartay hay’adda cimilada ee IGAD (ICPAC) - gaar ahaan intii lagu guda jiray madasha GHACOF-66 - ayaa tilmaameysa in roobabka Gu’gu ka curanayaan deegaanada Puntland Abriil, ayna da’ayaan ilaa dhamaadka Maajo.

Khubarada saadaasha hawada ayaa isbarbardhig ku sameeyay xaddiga roobka ee Gu'ga 2024, waxayna sheegeen inuu la mid yahay xaddigii roobka ee sanadihii 2010 iyo 2016, sida ku cad jaantuska koowaad.

Xarunta Maareynta Xogaha Biyaha ayaa dhammaan bulshada u dirtay fariin ah in ay diyaargarow fiican sameeyaan si ay uga faa’iideystaan biyaha roobka ee xilliga Gu’ga sanadkan.

GAROWE ONLINE