Puntland: Shaqaalaha dhisay garoonka diyaaraha Garowe oo deeq la siiyay
-
- Posted On 28-02-2016, 12:37PM
GAROWE- Deeqdan, waxa garoonka diyaaradaha magalada Garowe gaarsiiyay Islaan Ciise Islaam Maxamed oo kamid ah duub dhaqameedka Puntland, isagoo ugu tala galay shaqaalaha dhisaya madaarka inay quutaan dhawr bari.
Munaasabad kooban oo deeqda lagu bixiyay, waxaa lagu qabtay goobta shaqadu kasocoto, waxaana hadyad sharafeedkan oo Ari ahayd gudoomay xiriiriyaha dowladda iyo shirkadda madaarka dhisaysa.
Duqii hore Garowe Cabdicasiis Nuur Cilmi Koor, islamarkaana kamid ah waxgaradka magalada oo deeqdan wareejinteena goob joog ka ahaa, ayaa sheegay in Islaamku ugu tala galay xoolahan shaqaalaha garoonka dhisay inay nacfiyaystaan maadama hayaan howl baaxad leh.
Arrintan ayaa timi xilli uu bilow ku jiro shaqada garoonka diyaaraduhu ka haadaan ee magalada Garowe, kaasi oo qaadan doona dhismihiisu muddo ku siman 1 sano.
GAROWEONLINE
