Puntland: Wasiir iska casilay Xukuumada Deni.
-
GAROWE ONLINE XAFIISKA MUQDISHO
- Posted On 20-10-2023, 12:41PM
GAROWE, Soomaaliya - Wasiir xigeenki wasaarada Cadaalada Puntland, Dr Maxamed Cali Faarax ayaa iska casilay xilkaasi.
Qoraal uu ku socod-siiyay madaxweynaha ay xilhantiisa Dastuuriga ka hartay 80 cisho wax ka yar ayaa ku cadeeyay in uu xilkaasi iska casilay.
Dr Maxamed Cali Faarax ayaa kamid ah siyaasiyiinta qunyar socodka ah isagoo sidoo kale xubin ka ahaa inta badan xukuumadii madaxweyne, Dr Gaas.
Bilooyin ka hor ayay ahayd markii ay soo baxday in madaxweyne Deni uu qorshaynayo in uu Dr Maxamed ka dhigo Xoghayaha guud ee ururkiisa KAAH balse haatan tilaabada ayaa u muuqata mid ku culus dhanka Deni.
Sidoo kale waxa uu iska casilay xubinnimada ururka KAAH iyada oo ay kusoo aadayso is-casilaada xilli madaxweynaha sii tagaya looga digay isku dayga muddo kororsiga sharci daradda ah.
Dhawaan siyaasiyiinta Mucaaradka Puntland ayaa shirkooda Garowe kusoo dhamaaday ugu baaqay masuuliyiinta Puntland in ay madaxweyne Deni aysan ku eegan Puntland sida ay u dhigeen isla markaana ay xalka qeyb ka noqdaan.
GAROWE ONLINE
