Puntland: Xarumaha ganacsiga magaalada Bosaso oo xiran
-
- Posted On 05-01-2016, 08:19AM
Jan 6, 2015 (GO)- Magaalada Bosaaso ayaa waxaa xiran maanta dhamaan xarumaha ganacsiga iyo dekada kadib markii xukuumada madaxeyne Gaas cashuur ku kordhisay qaar ka tirsan badeecadaha kasoo dega dakada.
Warsidaha Garowe Online ayaa ogaadey in dekada Bosaso gabi-ahaanba saaka ganacsatada wax kala dagin waxaana taasi saameyn ku yeelatey dhamaan dhaqdhqaaqa magaalada ganacsi ee magaalada.
Xukuumada madaxweyne Gaaas ayaa kusoo rogtey cashuuraha qaar ka tirsan badeecadaha kasoo daga dekada taasi abuurtey muranka u dhexeeya ganacsatada iyo wasaarada maaliyada.
Wararka ayaa sheegaya in ganacsatada iyo saraakiil ka tirsan wasaraada maaliyada kulan ku leeyihiin rugta gancsiga Bosaso kaaoso looga wada xaajoonayo arrimaha soo kordhey.
Mudaharaadka ganacsatada Bosaso ku joojisay dhaqdhaqaaqa dekada iyo dukaamada ayaa kusoo beegmeysa safar madaxweynaha dowlada Puntland ugu ambabaxey gobolka barri saaka.
Madaxweynaha Puntland ayaa saaka ka ambabaxey magaalo madaxda dowlada Puntland ee Garowe isaga oo ku sii jeeda magaalada Bosaso halkaasoo laga furayo garoonka diyaardaha ee cusub.
GAROWEONLINE
