Puntland: Xildhibaano sharci daro ku tilmaamey xariga Jamac Deparani [Dhagayso]
-
- Posted On 19-11-2015, 08:03PM
19 November, 2015(GO)-Xildhibaano ka tirsan Baarlamanka Puntland oo caawa shir jiraa’id ku qabtay magalada Garowe ayaa si kulul uga hadlay xariga lagula kacay Wariye Jaamac Yusuf Deperani oo ka howl-gala Tv-ga Somalichannal xafiiskiisa Garowe.
Xildhibaan Cabdi Samatar Surcad ayaa saxaafada u akhriyay waxa uu Dastuurka Puntland ka qabo xariga Wariye Jaamac oo uu sheegay inuusan waafaqsanayn sharciga u degan dalka, isa lamarkaana lagu xad gudbay.
Qodobka 2-aad ee Dastuurka PL:- Sarraynta sharciga
- Sharciga ayaa qofka ka sareeya
- Dhamaan hay’adaha dowlada iyo dadwaynaha waxay u hogaasamaan sharciga
Qodobka 14-aad ee Dastuurka PL:- Xoriyadda fikirka
- Qofkasta xor ayuu u yahay fikirkiisa, waana soo bandhigi karaa faaf-reeb horudhaca waana reeban yahay.
- Qofku waxa uu fikirkiisa ku cabiri karaa qaab hadal, saxaafadeed, qoraal, muuqaal, suugaan iyo habab kale oo sharciga iyo anshaxa waafaqsan.
Qodobka 22-aad:- Xaqqa saxaafadda
- Saxaafada iyo warbaahinta xorta ah waxay ka madax-banaan yihiin faragalin dowladeed waana inay u hogaasamaan sharciga oo kaliya.
Xildhibaan Cabdixakiim Dhooba-daareed iyo Cali Dhaga-cade ayaa dhankooda dhaliil kulul u soo jeediyay wasiirka wasaarada warfaafinta Puntland Maxamuud Xasan Soocade, oo ay sheegeen inuu ku xad-gudbay dastuurka dalka u yaala.
Mudanayasha ayaa sheegay in waaran maxkamadeed aan lagu xirin wariyaha, waxayna Madaxweyne Gaas ka codsadeen in dowladdu sharciga ilaaliso oo qofkii khalad gala lagu xiro waaran maxkamadeed.
Il-wareedyo lagu kalsoon yahay ayaa sheegaya in masuuliyiin horay xilal uga soo qabtay Puntland ay taliyaha ciidanka Bolice-ka Puntland General Cabdirasaaq Af-gaduud ka dalbadeen in damaanad lagu sii daayo wariyahan xiran, balse uu ka biya diiday.
GAROWEONLINE
