Qaramada Midoobay oo hambalyo u dirtay ciidamada Puntland
-
- Posted On 29-03-2016, 06:15PM
GAROWE- Madaxweynaha Puntland Cabdiweli Maxamed Cali Gaas ayaa maanta 29-March-2016 xafiiskiisa ku qaabilay wafti kasocdey Jamciyadda Quruumaha ka dhexaysa oo hoggaaminayey ku-xigeenka wakiilka xog-hayaha guud Somalia ee dhinaca Aadanaha Peter De Clercq.
Kulanka Gaas waxaa kuwehelinayey ku-xigeenkiisa Cabdixakiim Cabdulaahi Xaaji Cumar Camey, guddoomiyaha Barlamanka Axmed Cali Xaashi iyo xubno katirsan golaha wasiirada.
Madaxweyne Gaas iyo Peter De Clercq ayaa kulankooda waxay uga wada hadleen Arrimaha la xiriira bini'aadannimada iyo heerka ay ka marayso deegaannada maamulka Puntland iyagoo sidoo kale isla soo qaaday wadashaqayn dhexmara labada dhinac.
Labada mas'uul ayaa dhinaca kale kawada hadlay arrimaha abaaraha ee ka jira Puntland iyo qaabkii Qaramada Midoobey gacan ug agaysan lahayd taakulaynta dadka tabaalaysan.
Peter De Clercq ayaa hambalyo iyo bogaadin u diray ciidamada difaaca Puntland oo dhawaan guulo ka gaaray kooxo duullaan soo qaaday oo katirsan Shabaab.
GAROWEONLINE
