Qarax is-miidamin ah oo ka dhacay magaalada Galkacyo
-
Wariyaha Garowe Online Galkacyo
- Posted On 28-04-2018, 11:02AM
GALKACYO, Puntland- Qarax khasaaro dhimasho iyo dhaawac sababay ayaa goor dhaweyd ka dhacay magaalada Galkacyo ee xarunta gobolka Mudug, sida Garowe Online u xaqiijiyeen dad goob joogayaal ah.
Weerarka ayaa ka dhacay halka lagu magacaabo Jiira Kuwait, waxaana lala eegtay ciidamo katirsan kuwo isku dhafka gobolka Mudug ee ay maamusho dowladda Federaalka Soomaaliya.
Warar hordhac ah oo soo baxaya ayaa sheegay in weerarkaas lagu dilay ALLAHA u naxariisteen Taliyihii ciidamada isku dhafka Milatariga gobolka Mudug Gaashaanle Sare Xoreeye.
Waxaa sidoo kale jira dhaawacyo la dhigay goobaha caafimaadka, kuwaasoo ay ku jiraan ciidamo katirsan isku dhafka gobolka Mudug.
Majirto ilaa hadda cid sheegatay mas'uuliyadda qaraxaas, balse waxaa horay weeraro noocaas ah uga gaystay magaalada mallayshiyaad katirsan ururka Al Shabaab.
Amniga magaalada Galkacyo ayaa muddooyinkii dambe aad u wanaagsanaa.
Faah faahinta warkaas dib ayaan idiin kasoo gudbin doonaa.
GAROWE ONLINE
