Rasaas laga maqlay Garowe, Maamulka Gobolka Nugaal oo ka hadley [Dhageyso]
-
- Posted On 23-06-2015, 01:49AM
GAROWE 23 June,2015 (GO)- Guddoomiyaha Gobolka Nugaal ayaa ka hadley xaalad amni daro oo la soo gudboonaatey xarunta Garowe kadib markii bartamaha magaalada laga maqlay rasaas xoog badan oo ay ridayaan ciidamo ka tirsan dowladda.
Cabdullaahi Ciise Axmed ayaa sheegey in rasaastaan ay ridayeen ciidamo ka tirsan kuwa dowlada ayna u ridayeen si khladan madaama aysan jirin cid ku dagaalameysay magaalada dhexdeeda.
Hadalka Guddoomiyaha ayaa yimid kadib markii ay soo baxeen warar sheegaya in ciidamo ka tirsan kuwa dowladad weerar ku qaadeen guryo ay ka deggen yihiin magaalada Garowe saraakiil hore uga tirsanaan jirtey ciidamada dowlada Puntland.
Dhinaca kale waxaa soo baxaya warar sheegaya in ciidamo ka tirsan sirdoonka Puntland PIA ay baneeyeen ilaalilnta xarumaha UN ee magaalada Garowe kadib markii la sheegey in ay gadood ahaan ugu biireen ciidamo ka amar qaata taliye ku-xigeenkii hore ee ciidamada booliska General Muxaydiin Axmed Muuse.
Qoraal ay kaga hadlayeen xaalada amni ee magaalada Garowe ayaa hay'adaha Qaramada Midoobey ku sheegeen in shaqalahooda kaoso baxin goobaha ay dagan yihiin kadib markii tageen ciidamadii dowladda ee ilaalada u ahaa.
Gadoodka ciidamadaan ayaa yimid sida wararka lagu helayo kadib markii uu Madaxweynaha Puntland amar ku bixiyey in lasoo qabto taliye ku-xigeenkii booliska Puntland oo muddo khilaaf u dhexeeyey dowlada.
Ugu dambeyntii Gudoomiyaha gobolka Nugaal ayaa raali galin u direy shacabka magaalada Garowe isaga oo sheegey in talaabo laga qaadi doono ciidamadii rasaasta xoogan ka radiyey magaalada.
GAROWEONLINE
