Sidee u dhacay howlgalkii ciidanka Mareykanka ee Baalade – Gobolka Bari?

Boosaaso – Faahfaahin cusub ayaa kasoo baxaysa howlgal qorsheysan oo ay ciidamo gaar ah oo Mareykan ah iyo Ciidamada difaaci Puntland ka fuliyeen habeenadii u dhexeeyay 25–26 November dooxada Baalade, oo ka tirsan buuraha Cal Miskaad ee gobolka Bari.

In ka badan 100 askari oo Mareykan ah ayaa waaberigii hore ka degay diyaaradaha MH-60 iyagoo ay hawada ka ilaalinayeen diyaaradaha MQ-9 Reaper. Weerarku wuxuu beegsaday godadka Bakuuje iyo Mareero, halkaas oo ay ku jireen 10 ilaa 15 xubnood oo ISIS ah.

Sidee u dhacay howlgalkii ciidanka Mareykanka ee Baalade – Gobolka Bari?

ayaa dhulka ka galay jihooyinka sare ee dooxada, taas oo howlgalka u rogtay dagaal ka dhacay gudaha godad si weyn loo difaacay. Iska-horimaadka ayaa socday 2 ilaa 4 saacadood, waxaana ciidamada ay la kulmeen dagaalyahanno ajnabi ah oo ka yimid Suuriya, Turkiga iyo Itoobiya.

Ciidamada Mareykanka iyo PCTF ayaa waaberigii dib uga baxay deegaanka, iyadoo aan laga soo sheegin wax khasaare ah oo gaaray Mareykanka.

Warbixinnada hordhaca ah waxay muujinayaan in la dilay:

• taliye sare oo ISIS-Somalia ah,
• dhowr ka mid ah gacan-yareyaashiisa,
• iyadoo guud ahaan la tirtiyay 5 ilaa 10 xubnood oo ka tirsan kooxda.

Sidoo kale waxaa la burburiyay keydad hub iyo qalab ay kooxdaan adeegsan jirtey.

Dawladda Puntland ayaa sheegtay in hawlgalka Hilaac uu hadda maamulo inta badan buuraleyda Cal Miskaad, iyadoo qorshuhu yahay in kooxda ISIS-Somalia gebi ahaanba looga saaro gobolka ka hor dhammaadka 2025.

Maalin kadib howlgalka, taliyaha AFRICOM Gen. Derick “Degvin” Anderson iyo wafdi uu hoggaaminayo ayaa booqasho ku tegay Boosaaso, halkaas oo uu kula kulmay ku-simaha Madaxweynaha Puntland ahna madaxweyne ku xigeenka , waxayna ka wada hadleen iskaashiga amniga iyo dagaalka ka dhanka ah kooxaha xagjirka ah.

GAROWE ONLINE