Taliye loo magacaabay ciidanka ilaalada garoonka Bosaso

Image

16 December, 2015(GO)-Taliyaha ciidanka Boliiska Puntland ayaa taliye u soo magacaabay ciidanka ilaada garoonka Bosaso kadib dilkii ALLAHA u naxariistee Xassan Shire Amaan.

Gen: Cabdirasaaq Afgaduud oo la hadlay Radio Garowe ayaa xaqiijiyay magacaabista taliyaha cusub oo lagu magacaabo Gaashaanle Aadan Muuse Jamac oo horay u soo noqday taliyaha saldhigga dhexe ee magalada Garowe, haatanna ka mid ahaa ciidanka ilaada hay'adaha ee loo yaqaan SPU.

Afgaduud ayaa sheegay inuu Aadan ku doortay mas'uuliyad islamarkaana ku tilmaamay shakhsi ka soo bixi kara xilka loo dhiibay, wuxuuna xusaay inay wadaan isku shaandhayn ciidanka garoonka Bosaso iyo garoonka dhawaan dhismihiisa la bilaabayo ee Garowe Airport.

Arrintan ayaa timi kadib dil dhawaan loo gaystay taliyihii ciidanka ilaada garoonka Bosaso Xassan Shire Amaan. Weli gacanta laguma soo dhigin shakhsigii dilay, balse Afgaduud oo wax laga weydiiyay ayaa tilmaamay inay ku raad joogaan.

GAROWEONLINE

Related Articles

Ciidanka Difaaca Dowladda Puntland oo Muujiyay Inay Yihiin Laf-Dhabarta Amniga Soomaaliya

Howlgalladan guuleystay ee PDF ayaa noqonaya mid xoojinaya doorka Puntland ee ku aaddan la-dagaallanka argagixisada.

  • Puntland

    20-08-2025

  • 06:23AM

Ciidamada Puntland oo Horumar Ballaaran Ka Sameeyay Dagaalka ISIS ee Buuraha Cal-Miskaad

Cutubka 1-aad ee ciidamada difaaca Puntland ayaa howlgallo is-daba-joog ah ka wada jihooyin badan oo buuraleyda Cal-Miskaad ah.

  • Puntland

    18-08-2025

  • 12:40PM