Wafdi kasocda HirShabeelle oo Garowe ku sugan

Image
Image
Image
Image

GAROWE, Puntland- Wafti uu hoggaaminayo Wasirka Qorshaynta iyo Xiriirka Qurba Joogta Maamulka HirShabeelle ayaa so gaarey Magalada Garowe ee Caasumadda Puntland.

Xubno kamid ah golaha xukuumadda HirShabeelle ayaa sidoo kale kamid ahaa wafdigaas.

Socdaalkooda oo ahaa mid aan la shaacin ayaa wararka uu helayo GO, waxay sheegayaan inay la xariirto kala faa'iidaysi dhinaca Khibradda ah, maadaama maamulkaas uu yahay curdan dhawaan la dhisay.

Wasiir Qorshaynta iyo Xiriirka Qurba Joogta Maamulka HirShabeelle Maxamed Cabdi Cabdillaahi ''Gabiley'' oo la hadlayay Radio Garowe, ayaa yiri,"Puntland waa hooyadii Federaalka anaguna waxaan kamid naha Federaalka waliba maamulkii ugu dambeeyay ee la dhisay, waxaan Garowe u nimid inaan ka qaadano Aqoon kororsi, balse Siyaasad uma imaan."

Wuxuu sheegay in qorshadoodu yahay sidii maamulka HirShabeelle u noqon lahaa mid aas-aaskiisu wanaagsanaado, isagoo xusay in aqoon kororsigii uga socday Puntland uu marayo meel wanaagsan.

"Guriga hadii uu aas-aasku ka xumaado waad garan kartaan, anaga waxaan doonaynaa inaan maamulkeena ka dhigno mid adag oo taf ah, waxaana doonaynaa inaan Puntland ka qaadano wixii wanaagsan si aan u noqono maamul wanaagsan," Ayuu yiri wasiir Gabilay.

Xubnaha ayaa Garowe soo gaaray maalintii Khamiista ee lasoo dhaafay, waxayna baxayaan Barri oo Axad ah, waana markii ugu horaysay wafdi heerkan le'eg uu soo gaaro magaalada Garowe.

GAROWEONLINE

Related Articles

Puntland oo Taageero u Muujisay Jubbaland, Digniinna u Dirtay Dowladda Federaalka

Madaxweynaha Puntland ayaa si adag u dhaleeceeyay in dowladda federaalka ay isku daydo in ay wiiqdo awoodda maamulka Jubbaland.

  • Puntland

    15-06-2025

  • 11:02AM

Madaxweyne Deni oo soo dhoweeyay Golaha Mucaaradka ee Muqdisho laga dhawaaqay

Puntland ayaa xiriirka u jartay dowladda Soomaaliya kadib markii ay ku xad-gudubtay dastuurka, sidoo kalena awoodda isku soo koobtay.

  • Puntland

    15-06-2025

  • 09:28AM