Puntland: Lacagta imtixaanaadka oo la dhimay
-
- Posted On 01-03-2016, 03:29PM
GAROWE- Shir jaraa'id oo maanta magalada Garowe ku qabtay wasiirka wasaaradda waxbarashada iyo tacliinta sare Puntland Abshir aw-Yuusuf Ciise, ayuu kaga hadlay dood waalidiinta Puntland gaar ahaan kuwa dhallaankooda dhigtaan dugsiyada sare ka keeneen lacag lagu kordhiya ardayda ka baxaysa dugsiyada sare iyo dhexe ee Puntland.
Wasiirka ayaa sheegay in wasaaraddu $10 ka dhintay racagtii la kordhiyay Ardayda oo markii hore laga dhigay $40. Abdshir aw-Yuusuf, waxuu tilmaamay inaan isbadal lagu samayn lacagta lagu kordhiyay Ardayda dugsiyada dhexe gaar ahaan fasalka 8-aad oo laga dhigay $15.
Abshir, ayaa carrabka ku dhuftay inay tixgaliyeen baahida shacabka gaar ahaan dadka danyarta ah ee aan lacagtaasi bixin karin, isagoo xusay in mustaqbalka xal u heli doonaan culayska shacabka la saaray.
Kordhinta lacagta imtixaanaadka Puntland, ayaa timi kadib markii Midowga Yurub joojiyay deeq lagu kabi jiray qaybta imtixaanaadka Shahaadiga ah.
GAROWEONLINE
