WFP iyo Puntland oo ka shiray xoojinta mashaariicda horumarineed

Kulanka waxa ka qayb galay Wasiirada Wasaardaha Beeraha, Haweenka, Wasiirka Ku-xigeenka Qorshaynta iyo Saraakiil Madaxtooyo.

GAROWE, Puntland - Ku-simaha Madaxweynaha Ahna Madaxweyne Ku-xigeenka dowladda Puntland H.E Ilyas Osman Lugatoor ayaa qaabilay Wefti Ka Socda Hay’adda WFP oo ay hogaaminayso Mss Naoe Yakiya  Agaasime ku-xigeenka Hay’adda  WFP Soomaaliya oo ay qayb ka yihiin masuuliyiinta Xafiiska WFP ee Puntland 

Kulanka ayaa looga hadlay Shaqooyinka ka socda Puntland ee ay taageerto WFP, iyo sidii kor loogu qaadi lahaa loona xoojin lahaa wadashaqaynta WFP iyo Dawladda Puntland.

Madaxweynaha ayaa WFP uga mahadceliyey taageerada dhinacyada kala duwan leh  ee ay u fidiyaan Puntland, gaar ahaan dedaalka ay geliyaan Arrimaha bini’aadanimada iyo Mashaariicda horumarineed.

Kulanka waxa ka qayb galay Wasiirada Wasaardaha Beeraha, Haweenka, Wasiirka Ku-xigeenka Qorshaynta iyo Saraakiil Madaxtooyo.

GAROWE ONLINE