Xukuumada Puntland oo dib uga noqotey cashuur ay soo rogtey
-
- Posted On 05-01-2016, 10:34AM
Jan 5, 2016 (GO)- Kadib saaka markii Bosaso ku waabiriisatey dukamada iyo dekada oo xiran kadib markii cashuur kadis ah xukuumada madaxweyne Gaaas ku soo rogtey qaar ka tirsan badeecadaha yimaaada Puntland.
Kulan ay isugu yimaadeen xarunta rugta ganacsiga tiro ka tirsan wasiirada xukuumada madaxweyne Gaas ee ku sugan Bosaso iyo ganacsatada ayaa waxaa kasoo baxey in cashuurta dib loogu noqdo.
Xogagaal ka tirsan ganacsatada Puntland oo la hadley Garowe Online ayaa sheegey in amarka lagu joojiyey cashuurta cusub uu baxshey madaxweyne Gaas kadib markii wasiirada kulakaan ku sugnaa wadatashi la sameeyeen.
Dib u noqosho-ada xukuumada ayaa wararka sheegayaan iney keentey kadib markii mudaharadka ganacsatada ku soo beegmey safar madaxweyne Gaas qorsheynayo inuu ku yimaado magaalada Bosaso.
GAROWEONLINE
