Ahmiyada dib-u-furida safaaradda Soomaaliya ee Ingiriiska

Britain ayaa safaaradeedii dib uga furtay magaalada Muqdisho sanadkii 2013-kii kadib muddo 22 sano ah oo ay ka maqneyd.

LONDON, Ingiriiska - Soomaaliya ayaa dib u furatay safaarada ay ku leedahay boqortooyadda Ingiriiska kadib muddo 32 sano ah oo aysan wax adeeg ah u haynin bulshadda ku dhaqan waddankaas.

Munaasabada daahfurka waxaa ka qeyb galay danjire Cabdulqaadir Axmed Kheyr, Orodyahanka Olimbikada Mo Farah iyo Sabrina Dhowre oo gabadh Soomaali-Canadian ah iyo marti kale kale.

Danjire Kheyr oo xafladda ka khudbeeyay ayaa shaaca ka dhigay "in dib u furista safaaradda ay tahay tallaabo wanaagsan oo lagu xoojinayo xiriirka UK iyo Soomaaliya".

Safaaradda ayaa la filayaa in adeegyo qunsuliyadeed ay u fidiso ku dhawaad ​​500,000 oo qurbajoog Soomaali ah oo ku nool UK kuwaas oo xaq u leh dhalashada Soomaaliya.

Waxa kale oo ay martigelin doontaa dhacdooyin dhaqameed iyo kuwo kale oo wargelin ah. Intaas waxaa wehliya, adeegyo kale oo ay ka mid yihiin waraaqaha safarka iyo waraaqaha guurka.

Safaaradda Soomaaliya ee London ayaa si rasmi ah loo xiray sanadkii 1991-kii kadib burburkii dowladdii dhexe. Dhacdadaas waxay kala siman tahay safaarado kale iyo xarumo kale oo dowladeed.

Britain ayaa safaaradeedii dib uga furtay magaalada Muqdisho sanadkii 2013-kii kadib muddo 22 sano ah oo ay ka maqneyd. Tani waxay ka qeyb-qaadatay xiriirka diblumaasiyadeed oo sii xoogeysanaya.

GAROWE ONLINE