Bangiyadda Ganacsiga ee Soomaaliya oo amar la dul-dhigay
-
WARIYAHA MUQDISHO GAROWE ONLINE
- Posted On 24-12-2019, 12:27PM
MUQDISHO, Soomaaliya – Maamulka Bangiga Dhexe ee Soomaaliya ayaa ku amray Bangiyadda Ganacsiga ee howlgala gudaha waddanka in ay xiraan Akoonada Shirkadaha Forex Trading.
Amarkan deg-deg ah ayaa lagu bixiyey qoraal ku taariikheysan 23-ka December, 2019, kasoo baxay xafiiska Guddoomiye ku-xigeenka Bangiga, Maryam Cabdullaahi Yuusuf.
Warsidaha Garowe Online ayaa wuxuu kamid ah xarumaha warbaahinta ee arkay warqadda una xaqiijiyeen dhinacyadda.
Bangiga Dhexe ayaa, sidda ku xusan qoraalka, faray dhamaan Bangiyadda Ganacsiga in ay sidda ugu shaqsiyaha ku hirgeliyaan go'aankan.
"Sidoo kale, waa inaad soo gudbisaa warbixin lifaaq ah oo sheegeysa xisaabaadka u furan [Shirkadaha Forex Trading] iyo cadadka lacagaha ku jira," ayaa lagu soo gabagabeeyay qoraalka.
Go'aankan ayaa imaanaya iyaddoo muddooyinkii u dambeeyay ay jireen sheegashooyin ku saabsan qaabka ay ku shaqeeyaan Shirkadaha Forex Trading ay "ribo" tahay.
Hase ahaatee, mas'uuliyiinta Forex Trading oo ka jawaabay eedeymaha ayaa gaashaanka u daruuray hadaladaas, waxayna ku qeexeen kuwa lagu sumcad dilayo "hal-abuurkooda"
HOOS KA AKHRISO QORAALKA
GAROWE ONLINE
