Ciidanka Soomaaliya oo tuulo muhiim ah ka qabsaday Al-Shabaab

MUQDISHO, Soomaaliya - Milagariga oo taageero ka helaya kuwa Midowga Afrika ayaa dharbaaxo kulul gaarsiiyey maleyshiyaadka xiriirka la leh Al-Qaacida ee Al-Shabaab markii ay ka qabsadeen Arbacadii tuulo muhiim ah.

Wasaaradda Warfaafinta ayaa sheegtay in xoogaga uu Mareykanka tababaray ee Danab ay la wareegeen gacan ku haynta degaanka Bariire, taasi oo 60 KM dhanka Galbeed uga beegan Muqdisho.

War-saxaafadeed kasoo baxay wasaarada ayaa lagu tilmaamay in qabshada tuuladaasi ay Istaariiji ahaan dhabar jab ku tahay kooxda oo muddo ka badan tobban sano ka dagaalameysa Soomaaliya.

Al-Shabaab ayaa degaanka Bariire waxaa u tiilay Jidgooyo ay lacago baad ah uga qaadi jirtay gaadiidka kusoo wajahan caasimada dalka iyo kuwa kale ee kusii jeeda degaanada kale ee gobolada Koonfur Galbeed.

Indhowaanahaanba, ciidamada xoogga Soomaaliya oo garab ka helaya saaxiibada caalamka ayaa degaano muhiim ah ka qabsanayey dagaalameyaasha Al-Shabaab ee koonfurta iyo bartaha dalka ku xoogan.

Bariire, tuulo hoddan ku ah beeraha, ayaa bishii May 2017-dii waxay Al-Shabaab ku dishay askari ka tirsan ciidamada Mareykanka, kaasi oo magaciisa lagu sheegay Kyle Milliken oo ahaa 38-sano jir.

Wasaaradda Difaaca dalka Mareykanka ayaa goor dambe xaqiijisay dhimashada Kyle Milliken oo la socday ciidamo aagaasi u tegay howlgal.

Milliken ayaa ahaa askarigii ugu horeeyay ee Ameerikaan ah kaasi oo dagaal lagu dilay tan iyo iska hor-imaadkii dhimashada badan dhaliyey ee Muqdisho ka dhacay 1993 kaasi oo laga sameeyay Flim-ka Black Hawk Down.

GAROWE ONLINE