Deni iyo Axmed Madoobe oo la shiray safiirka Sweden

MUQDISHO, Soomaaliya - Madaxwayneyaasha Puntland iyo Jubaland ayaa maanta waxay siyaabo kala duwan ula kulmeen danjiraha dowladda Sweden u qaabilsan Soomaaliya.

Madaxtooyadda Jubaland ayaa qoraal ay kulanka kasoo saartay waxay ku tiri: "Madaxweynaha Dowladda Jubaland Mudane H.E Ahmed Mohamed Islaam ayaa hoygiisa ku qaabilay Danjiraha dalka Sweden ee Soomaaliya Staffan Tillander".

"Waxaa Kulanka lagaga hadlay Xaalada uu dalku marayo gaar ahaan Doorashada caqabadaha hortaagan iyo shirweynaha arimaha Doorashooyinka," ayaa la raaciyey bayaanka.

Dhanka kale, Madaxtooyada Puntland ayaa qoraalka ku tiri: "Madaxweynaha Dowladda Puntland Mudane Siciid Cabdullaahi Deni, ayaa qaabilay safiirka dalka Sweden ee Soomaaliya Ambassador Staffan Tillander".

"Kulanka waxaa looga hadlay arrimaha Doorashada, caqabadaha hortaagan iyo sida ugu wanaagsan ee uu qabsoomi karo shirweynaha Doorashada," ayaa la raaciyey war-saxaafadeedka.

Is-aragan ayaa kusoo hagaagaya xilli wadahadalada xalka loogu raadinayo is-mari-waaga doorashooyinka Soomaaliya ay u hakadeen tanaasul la'aanta iyo carqalada Villa Soomaaliya.

Madaxweynaha waqtiga ka dhacay Farmaajo ayaa lagu eedeeyay in uu kasoo horjeedo dhamaadka muddo xileedkiisa, in shirka kawada qeybgalaan saamileyda iyo in coddeyn daahfuran.

GAROWE ONLINE