Dib-u-dhac ku yimid furitaanka kalfadhiga 7aad ee BF Soomaaliya

Image

MUQDISHO, Soomaaliya - Guddoonka labada aqal ee baarlamaanka federaalka ah ee Soomaaliya ayaa maanta oo Isniin ah ku dhawaaqay in ay dib-u-dhigeen furitaanka kalfadhiga 7aad ee goleyaasha.

Kal-fadhiga ayaa qorshuhu ahaa in uu furmo 20-ka April, sanadka 2020. Sababta baaqashadda waxaa lala xiriiriyey xaalada haatan taagan ee Coronavirus, cudurkaas oo dunida heegan buuxa geliyey.

Qoraal wadajir ah oo kasoo baxay afhayeenka Aqalka Hoose iyo Aqalka Sarre, Maxamed Mursal Cabdiraxmaan iyo Cabdi Xaashi Cabdullaahi, ayay ku sheegeen in ay dib kasoo sheegi doonan "xiliga haboon".

Baaqashada iyo war-saxaafadeedka wadajirka ah ayaa kusoo aadaya xili ay jiraan warar sheegaya in labada mas'uul ay ku xiran yihiin Turkiga maadaama la joojiyey duulimaadyaddii caalamiga ah.

Covid-19 oo uu sababo fayruska Corona ayaa saameyn ku yeeshay qaybo kala duwan oo nolosha bini'aadamka ah, waxaana wali aan loo helin daawo taas oo meesha ka saartay saadaalin laga bixiyo.

Soomaaliya ayaa laga xaqiijiyey in ka badan 160 kiis oo badankooda laga soo sheegay magaala madaxda dalka ee Muqdisho, halkaas oo todoba ruux oo ay ku jiraan mas'uuliyiin uu ku dilay.

Dowladda Federaalka ah ayaa soo rogtay talaabooyin ay kaga hortageyso faafitaan horleh oo caabuqa uu sameeyo, waxaana kamid ah bandow habeenkii, joojinta kulamada dadweynaha iyo duulimaadyada.

QORAALKA WADAJIR

GAROWE ONLINE

Related Articles

Ciidamada Puntland oo Calmiskaad ku dilay in ka badan 700 dagaalyahan Ajaanib ah 

Weerarka, oo billowday dabayaaqadii sanadkii hore, ayaa lagu sheegay inuu hoos u dhigay joogitaanka ISIS ee aaggaas ilaa 70%.

  • Soomaliya

    21-08-2025

  • 06:50AM

Danjire hore oo Mareykan ah oo ka digay in si degdeg ah loo aqoonsado Somaliland

Danjiruhu wuxuu tilmaamay in Mareykanka uu haysto saddex ikhtiyaar: in uu sii hayo…

  • Soomaliya

    20-08-2025

  • 12:44PM