Guddoomiye Mursal oo Magacaabay Lataliye sare [WAREEGTO]
-
Wariyaha Muqdisho GAROWE ONLINE
- Posted On 27-01-2019, 01:07PM
MUQDISHO, Somalia - Gudoomiyaha Gollaha Shacabka ee baarlamaanka Somalia, Maxamed Mursal Sheekh Cabdiraxmaan ayaa soo saarey wareegto uu ku magacaabey la-taliye sare oo dhinac saxaafadda u qaabilsanaan doona.
Sida ku xusan wareegatadda, oo ku taariikhaysan 26-ka January, Liibaan Maxamed Xuseen, ayaa loo magacaabey la-taliye sare gudoomiyaha Gollaha Shacabka ee arrimaha Saxaafadda.
Mursal ayaa bishii August 2018 u magacaabey C/qaadir Maxamed Nuur [jaamac] inuu noqdo la-taliye sare xafiiska Gudoomiyaha Gollaha Shacabka ee baarlamaanka Federaalka Somalia.
Maxamed Mursal Sheekh iyo Jaamac ayaa horay u soo wada shaqeeyay, gaar ahaan xilligii uu ahaa Safiirka Soomaaliya ee Turkiga, waxaana magacaabistiisa timid saacado kadib markii laga qaadey Jaamac xilka taliye-ku xigeenka NISA.
HALKAN KA AKHRI WAREEGTADDA:
GAROWE ONLINE
