Gudoomiyihii gobolka Banaadir Eng Yariisow oo geeriyoodey
-
Wariyaha Muqdisho Garowe Online
- Posted On 01-08-2019, 04:04PM
DOHA, Qatar - Waxaa la xaqiijiyay in Isbitaal ku yaalla dalka Qatar uu ku geeriyoodey Eng C/raxmaan Yariisow, oo lagu dhaawacay weerar Ismiidaamin ah oo lagu qaadey Xarunta maamulka gobolka Banaadir bishii lasoo dhaafay.
Waxa uu kamid ahaa Gudoomiyaha 12 qof oo dowladda Qatar kasoo qaadey Muqdisho, kadib markii dhaawacyadooda wax looga qaban waayay Isbitaallada magaaladda Muqdisho, u baahday qaliin dibadda ah.
Weerarka lagu qaadey Xafiiska Gudoomiye Yariisow 25-kii July 2019 ayaa waxaa la sheegay inay fulisay qof dumar ah oo isku soo xirtay wlaxaha qarxa, taasoo bartilmaameedsatay qol uu ka socday shir amni.
Kooxda Al-Shabaab ayaa sheegatay mas'uuliyadda weerarka oo dadkii ku dhintay ay gaarayaan ku dhawaad 20 qof, oo labo kamid ah ay ahaayeen Gudoomiyeyaashii degmooyinka C/Casiis iyo Waaberi.
Allah ha u naxariistee Eng Yariisow ayaa xilal kala duwan kasoo qabtey dowladihii ugu dambeeyay ee dalka.
GAROWE ONLINE
