Jubbaland oo maamul cusub u magacawday degmada Afmadow [Wareegto]
KISMAYO, Somalia - Wasaaradda Arrimaha Gudaha Jubbaland, ayaa maamul cusub u magacawday maanta degmada Afmadow, ee gobolka Jubbada Hoose, halkaasi oo maalmo kahor uu safar shaqo ku tagey Madaxweyne Axmed Madoobe.
Wareegto kasoo baxday maanta oo Axmed ah kasoo baxday Xafiiska Wasiirka Arrimah Gudaha Jubbaland, Maxamed Warsame Darwiish ayaa Yuusuf Xasan Xuseen loogu magacaabey gudoomiyaha cusub ee degmada Afmadow.
Sidoo kale Cali Rabaax Sheekh Cumar loo magacaabey gudoomiye ku xigeenka Afmadow. Wasiirka ma uusan sheegin sababta maamulkii hore xilka looga qaadey.
Gudoomiyaha gobolka Jubbada Hoose iyo Madaxweynaha Jubbaland, Axmed Madoobe ayaa la ogeysiiyay magacaabista maamulka cusub ee Afmadow.
GAROWE ONLINE