Madaxweynaha Jabuuti oo ku wajahan Muqdisho iyo wadooyin la xiray [Sawirro]

MUQDISHO, Soomaaliya - Wafdi uu hogaamianayo Madaxweynaha Jabuuti, Ismaaciil Cumar Geelle ayaa maanta oo sabti ah lagu wadaa inuu soo gaaro magaaladda Muqdisho, ee caasimadda dalka Soomaaliya.

Ciidamada amaanka dowladda Federaalka Soomaaliya ayaa xiray wadooyinka muhiimka ah ee ku dhaw Garoonka diyaaradaha iyo Madaxtooyadda, waxaana ay hakad geliyeen isku socodka gaadiidka iyo dadweynaha.

Madaxda sare ee DF ayaa ku sugan Garoonka Aadan Cadde si ay usoo dhaweeyaan Madaxweyne Geelle, oo u imaanaya Muqdisho inuu xariga ka jaro Safaarad cusub oo Jabuuti ka dhisatay degmada C/casiis ee gobolka Banaadir.

Wararka ayaa sheegay in Ismaaciil Cumar Geelle uu safar ku tagi doono gobolka Hiiraan, halkaasi uu uu ku booqan doono ciidamada Jabuuti ee qeybta ka ah howlgalka Midowga Africa ee AMISOM.

GAROWE ONLINE