Mareykanka oo duqeyntii saddexaad ka fuliyey Galmudug

Image
Weerarkan dhanka cirka ah ayaa laga soo wariyey u dhexeeeya degaanada Qaycad iyo Hareere Dheere. [Photo: FA]

DHUUSAMAREEB, Galmudug - Diyaaradaha aan duuliyaha lahayn ee Mareykanka ayaa Axada maanta ah waxay duqeyn ka fuliyeen gobolka Mudug, sida ay shaacisay Wasaaradda amniga maamulka Galmudug.

Sida ku xusan war-saxaafadeed kasoo baxay wasaaradda, weerarka dhinaca cirka ah ayaa ka dhacay aagga u dhexeeeya Qaycad iyo Hareere Dheere oo todobaadkii hore howlgalka noocaan ah laga soo wariyey.

Bayaanka wasaaradda oo lagu faafiyey ciwaanka gaarka ah ee Facebook ayaan lagu soo bandhigin khasaaraha ka dhashay duqeynta iyo tiradda dagaalameyaasha Al-Shabaab ee ku naf-waayey.

"Dagaal iyo duqayn dhanka cirka ayaa ka socota saldhig kale oo kooxda argagixisada Shabaab ay ku lahaayeen aagga u dhexeeeya Qaycad iyo Hareere Dheere, ayadoo ciidamada qaranka iyo kuwa Galmudug ay hadda galeen saldhigga la duqeeyey," ayaa lagu yiri qoraalka.

Qoraalka ayaa la raaciyey: "Duqaynta saakay ayaa noqonaysa tii saddexaad oo deegaanada koofurta Mudug ka dhacda saddexdii todobaad ee la soo dhaafay, ayadoo argagixisada Shabaab ay soo waajahday xaalad adag iyo dagaal qaraar".

"Dagaalka ka dhanka ah argagixisada ayaa waxaa si wadajir ah uga qeybgalaya ciidamada Qaranka ee kala duwan, kuwa Galmudug, naftood hurayaasha deegaanka iyo diyaaradaha maraykanka," ayaa lagu soo xiray.

Tan iyo markii xafiiska uu la wareegay Joe Biden, duqeymaha ciidamada ayaa si weyn hoos ugu dhacay sababo la xiriira isbedel dhanka siyaasada howlgalada oo uu sameeyay maamulkiisa wallow buuq uu ka jiro. 

GAROWE ONLINE

Related Articles

Baarlamaanka Soomaaliya oo doodii ugu dambeysay ka yeeshay Dastuurka

Ajanadaha kulanka maanta ayaa ahaa dib-u-eegista dastuurka marxalada 3-aad.

  • Soomaliya

    28-03-2024

  • 11:23AM

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM