Maxaa looga hadlay kulanka safiirka Mareykanka iyo Xasan Sheekh?

MUQDISHO, Soomaaliya – Danjiraha Mareykanka, Donald Yamamoto, ayaa Talaadada maanta ah xarunta safaaradda ee Muqdisho ku qaabilay Xasan Sheekh Maxamuud, madaxweynihii 7aad ee Soomaaliya.

War qoraal ah oo kasoo baxay safaaradda ayaa lagu sheegay in kulankaan gaarka ah looga hadlay xaaladda dalka si qaas ah siyaasadda.

Kulanka waxaa goobjoog ka ahaa xubno labada dhinac ka kala socday, sidda laga soo xigtay war-saxaafadeedka oo Garowe Online uu arkay.

Safaaradda ayaa sheegtay in dhinacyadda ay ka doodeen ahmiyadda ay leedahay dhismaha hay'addaha dowladda iyo wada-xaajood ay saamileydu ka yeelato siyaasad loo dhan yahay oo ifisa sooyaalka dalka.

Is-aragan ayaa qayb ka ah wada-hadalo Beesha Caalamka la yeelaneyso madaxda dowladda federaalka, maamulada iyo siyaasiyiinta kahor doorashooyinka 2020-21.

Shirarka ayaa waxaa lagu gorfeynayaa nooca doorashadda, sidii looga baaqsan lahaa muddo kororsi iyo in nidaamku noqdo mid hufan.

Saaxiibadda aduunka ayaa ku tartarsiiyey baarlamaanka federaalka ah in dhamaadka 2019 uu meelmariyo Sharciga Doorashooyinka si mudada haray xukuumadda hadda jirta ugu diyaar-garowdo coddeynta.

GAROWE ONLINE