Natiijada shirka dib-u-heshiisiinta Koonfur Galbeed oo laga shiray

Guddoomiyaha Golaha Shacabka Baarlamaanka Federaalka Soomaaliya ayaa kulan la yeeshay Safiirka Mareykanka u jooga Muqdisho, Larry Andrè.

MUQDISHO, Soomaaliya - Ku-simaha Madaxweynaha Jamhuuriyadda ahna Guddoomiyaha Golaha Shacabka Baarlamaanka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa maanta kulan la yeeshay Safiirka dalka Mareykanka u jooga Muqdisho Larry Andrè.

Labada mas'uul ayaa waxay "ka wada hadleen guushii laga gaaray dib u heshiisiinta Koonfur Galbeed iyo xaaladaha guud ee dalka".

Danjiraha ayaa Guddoomiyaha Golaha Shacabka Baarlamaanka "uga mahadceliyay sida hufnaanta iyo dhexdhexaadinta leh uu u maamulay isl-markaana ku guuleystay gogoshii taalay magalada Baydhabo in si guul ah lagu soo gabagabeeyay".

Gunaanadka kulanka ayaa Guddoomiyaha Golaha Shacabka ku ammaanay Dowladda Mareykanka taageerada joogtada ay la garab taagantahay Dowladda Federaalka Soomaaliya, taageeradii shirkii dib u heshiisinta KGS iyo dagaalka lagula jiro kooxaha Khawaariijta oo cadow ku ah jiritaanka iyo horumarka Shacabka Soomaaliyeed.

GAROWE ONLINE