Nin ajnabi ah oo khal-khal geliyay Garoonka Muqdisho oo Xabsiga Dhexe la dhigay

Image

MUQDISHO, Somalia - Maxkamada gobolka Banaadir ayaa amar ku bixisay in Xabsiga Dhexe ee Muqdisho lagu sii hayo Antony Thomas Cox, kaasoo ay ciidamada amaanka ku qabteen 19-kii bishaan garoonka diyaaradaha Muqdisho.

Muwaadinkaan udhashay wadanka Ingiriiska ayaa markii laga xiray madaarka caalamiga ah ee Aadan Cadde, waxaa laga shakiyay walax laga dhex-helay boorso watay taasoo loo maleeyay qarax.

Kadib baaritaan ay ku sameysay hay’addaha nabad-sugida iyo sirdoonka qaranka oo kiiskaan lagu wareejiyay ayaa lagu ogaaday in waxa la tuhmay ay tahay Gaaska Ilmada ka keentay Indhaha dadka.

Mr Cox o 48-sano jir ah, kaasoo haysta dhalashada Ingiriiska iyo Faransiiska ayaa lagu eedeeyay inuu khal-khal geliyay amniga guud ee dalka iyo inaanu usheegin hay’adaha amniga walax laga shakiyay oo boorsadiisa laga helay.

Eedaysanaha ayaa wajahaya dacwad la xiriirta qodobka 332-531, taasoo ku xusun Xeerka Ciqaabta Soomaaliyeed, iyadda go’aanka ugu dambeeya ay gaari doonto maxkamada sare ee dalka.

Go'aanka maxkamada gobolka Banaadir ay kasoo saartay gal-dacwadeedka ayaa nan lagu caddeynin mudada uu xabsiga kusii jirayo Antony Thomas Cox.

GAROWE ONLINE

Related Articles

Ingiriiska oo Hakiyay Wadahadallada Israel xilli Colaadda Gaza Sii Kordhayso

Tallaabadan UK ayaa astaan u ah cadaadiska siyaasadeed ee sii kordhaya ee caalamka…

  • Soomaliya

    20-05-2025

  • 04:33PM

Weerar Hoobiye oo lagu qaadey Garoonka Diyaaradaha Aadan Cadde ee Muqdisho

Garoonka Aadan Cadde ayaa hoy u ah xafiisyada Qaramada Midoobay iyo qaar kamid ah safaaradaha shisheeye.

  • Soomaliya

    20-05-2025

  • 09:11AM