Rag Muqdisho ka fuliyey qaraxyo galaaftay 70 ruux oo la xukumay
-
WARIYAHA MUQDISHO GAROWE ONLINE
- Posted On 20-05-2019, 12:41PM
MUQDISHO, Soomaaliya - Maxkamada Ciidamada Soomaaliya ayaa ku gacan-seyrtay Racfaan ay qaateen laba shaqsi oo horey dil toogasho loogu xukumay.
Canshuur Cusmaan Abuukar iyo Maxamed Cali Barow Aadan ayaa waxaa loo haystaa qaraxyo ay ku dhinteen in ka badan 70 ruux oo Muqdisho ka dhacay.
Bishii Maaj 20-keeda ayaa dil toogasho garka loo geliyay, wallow ay racfaan ka qaateen, balse markii laga diiday waxaa dib loogu celiyey xukunkii hore.
Sidda ku cad bayaan kasoo baxay maxkamadda maanta oo Isniin ah, talaabadaan ayay waxay qaadatay markii la horkeenay caddeymo ay ku jiraan qiraaladooda.
Weerarada caasimada ruxay ee dhalinyaradaan ku eedeysan yihiin ayaa waxay ka kala dhacay Daljirka Daahsoon, Tiyaartarka [oo ku dhow madaxtooyada] iyo Huteel Saxafi.
"Dilka toogashada waa qisaasta marxuumiinta ku geeriyootay qaraxyadii ay ku lugta lahaayeen," ayaa lagu yiri qoraalka, oo nuqul kamida uu arkay warsidaha GO.
War-saxaafadeedka laguma caddeyn hadii ay mar kale Racfaan qaadan karaa, taasi oo dadka sharciga aqoonta u leh ku tilmaameen in aysan fursad kale haysan.
GAROWE ONLINE
