Tabin toos ah: Doorashada gudoonka baarlamaanka 2aad ee Galmudug
DHUUSAMAREEB, Galmudug - Baarlamaanka labaad ee Galmudug ayaa Jimcada maanta ah gudoon cusub ku dooranaya magaaladda caasimadda ah ee Dhuusamareeb.
Wadarta guud ee murashaxiinta u taagan xilalka afhayeenka iyo labadiisa ku xigeen ayaa ah todoba kamid ah xubnaha Golaha Wakiilada dowlad goboleedkan Somaaliyeed.
Murashaxiinta gudoomiyaha
Maxamed Nur Gacal
Cabdinasir Aaden Cismaan
Cabdullaahi Axmed Calasow
Ku xigeenka 1aad
Saadaq Sheekh yuusuf
Cabdullaahi Xersi Maxamed
Ku xigeenka labaad
Axmed Maxamed Maalin
Faaddumo Cabdi Cali.
Dhanka kale, murashax Calasow ayaa madasha ay ka socoto doorashadda ka sheegay in uu gebi ahaanba isaga haray tartanka loogu jiro xilka gudoomiyaha baarlamaanka.
Tani ayaa ka dhigan in doorashada Guddoomiyaha Baarlamaanka lagu kala baxi karo wareegga koowaad, wallow ay wax walba iska bedeli karaan, daqiiqadaha dambe.
Madaxweynaha Galmudug, Axmed Ducaale Geelle Xaaf, oo qaadacay doorashooyinkan ka socda Dhuusamareeb ayaa magaalada Gaalkacyo kawada abaabulka doorasho kale.
Hoos ka daawo muuqaalka
GAROWE ONLINE