Wasiir Jamaal oo loo dhaariyay Xildhibaanimada [DAAWO]
-
Wariyaha Muqdisho GAROWE ONLINE
- Posted On 10-10-2018, 03:30PM
MUQDISHO, Soomaaliya - Wasiirka qorsheynta Xukuumadda Federaalka ah ee Soomaaliya, ayaa maanta loo dhaariyay kursiga Xildhibaanimada Gollaha Shacabka, ee Baarlamaanka.
Jamaal ayaa 7-dii bishan kusoo baxay doorasho ka dhacday xarunta Aqalka Wakiiladda Puntland ee magaalada Garoowe, taasoo musharaxii la tartamay uusan wax cod ah helin, isaguna uu ku guuleystay 49 cod, oo kamid ah 51 ergo doorasho.
Wasiirka qorsheynta, oo soo noqday Safiirka Soomaaliya ee Kenya [April 2015 illaa March 2018], ayaa bedelay Xildhibaan Dhahar Cali Faarax oo xilkaasi iska casilay, islamarkaana loo magacaabay qunsulka guud ee Soomaaliya u fadhiya wadanka Jabuuti.
Su'aallo badan ayaa ka taagan qaabkii uu Wasiirkan, oo kamid ah kuwa ugu cad-cad Xukuumadda Ra'iisul Wasaare Xasan Cali Khayre ugu soo baxay doorashada Kursigan beeshiisa loo qoondeeyay.
Jamaal ayaa kamid ahaa wasiiradda fara ku tiriska ah ee aan ahayn Xildhibaan, iyadoo uu wado Khayre qorshe uu dhamaan xubanaha Xukuumadda ugu biirinayo gollaha Shacabka, waxaana horey u noqday 74%.
GAROWE ONLINE
