Somaliland oo ka Walaacsan aqoonsiga SSC-Khaatumo.
-
GAROWE ONLINE XAFIISKA MUQDISHO
- Posted On 20-10-2023, 12:49PM
Hargeysa, Soomaaliya - Xukuumada Somaliland ayaa War-saxaafadeed ay soo saartay waxaa ay ku muujisay sida ay uga xuntahay aqoonsiga ay dowlada federaalku siisay maamulka SSC-Khaatumo.
"Waanu ka xumahay in dowlada federaalku aqoonsato maleeshiyaadka Qabiil ee Laascaanood ku sugan waana arin saamaynaysa degenaanshiyaha geeska ".
Qoraalka Somaliland ayaa caalamka loogu baaqay in la ixtiraamaan xuduudaha 1960 balse Somaliland oo muddo sanooyin ah qeylinaysay ayaanu caalamku marna dhag jalaq usiin sheegashadooda in ay dal noqdaan.
Dowlada Dunida ayaa Somaliya u aqoonsan jamhuuriyad federaal ah isla markaana Dastuurka qabyada ah ayaa u fasaxaya gobalada in ay toos u hoos tagaan dowlada dhexe.
Dowlada federaalka Soomaaliya ayaa aqoonsatay SSC-Khaatumo iyada oo caalamka ka codsatay in lagala shaqeeyo gar-gaarka iyo Horumarinta.
GAROWE ONLINE
