Soomaali ka carartay Mareykanka oo magangelyo weydiistay Canada

Image

WASHINGTON - Dalka Canada waxaa sanadihi la soo dhaafay galay muhaajiriin badan oo ka qaxay dalka Maraykanka, ka dib marki maamulka madaxweyne Donald Trump uu adkeeyay sharciyadda dadka soogalootiga ah.

Dadkan oo Soomaaliya ay ku jiraan ayaa ka cararaya go'aankii Trump uu ku ballanqaaday in la masaafurinayo dadka sida sharci-darrada ah ku jooga Maraykanka, taasoo keentay in cabsi iyo hubanti la'aan soo wajahdo qaxootiga.

Soomaali badan oo qarkooda dhawaan galay Mareykanka, islamarkaana waayay sharciga markii Trump xukunka la wareegay sanadkii tagey, ayaa hadda u qaxaya Canada, iyagoo magangelyo weydiistay dowladda dalkaasi.

Madaxweyne Trump ayaa Soomaaliya ku daray liiska 7 dal oo Muslim ah, kuwaasii qaxootigooda uu u diiday inay galaan Mareykanka, waxaana arinkan ay kala kulmeen qaxootiga ka tagey Soomaaliya dhibaatooyin badan.

Waxaa jiray dad badan oo Soomaali ah oo laga soo masaafuriyay Mareykanka, oo Muqdisho laga soo dejiyay sanadkan, waxaana go'aanka Trump saameyn xooggan ku yeeshay mustaqbalka qaxooti badan oo nolol u raadsaday Mareykanka.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM