Caqabad soo wajahday Shirka Maamulada iyo DF ee Garowe [XOG]

Image

GAROWE, Puntland - Wararka Warsidaha Garowe Online uu ka helayo shirka uga socda magaalo madaxda Puntland ayaa sheegaya in la isku afgaran waayey in la xaliyo Khilaafka u dhexeeya Galmudug iyo Dowlada Federaalka.

Xogaha soo baxaya ayaa sheegaya in uu buburey shir albaabada u xirnaa, oo maanta galinka hore ay yeesheen madaxweyne Farmaajo iyo Madaxweynaha Galmudug, Axmed Ducaalle Geelle Xaaf, kaas oo la isku afgran waayey xalinta khilaafka.

Wararkii ugu dambeeyey ayaa xusaya in wafdiga uu hogaaminayo Madaxweyne Xaaf uu sheegay inuu shirka ka baxayo, taas oo caqabad ku noqneysa in heshiis loo wada dhan yahay la gaaro.

Shirka wadatashiga Garowe ayaa waxaa ku sugan Farmaajo iyo Khayre oo isku dayay inay qanciyaan madaxda maamullada islamarkaana heshiis kama dambeys ah laga gaaro qodobadii uu khilaafka ka taagnaa, lana soo celiyo wadashaqeynta.

Hogaamiyeyaasha Soomaaliya ayaa miiska u saaran qodobo muhiim ah, kuwaasoo ay kamid yihiin Sharciga doorashooyinka, Sharciga Batroolka, Sharciga Xisbiyadda Siyaasadda, dib u eegista dastuurka iyo wadaagga Khayraadka dalka.

Madaxda maamullada ayaa Dowladda Dhexe ka dalbaday in la joojinta sharciyadii dhawaan la ansixiyay, sida Batroolka iyo Doorashooyinka, illaa heshiis siyaasadeed oo loo wada dhan yahay laga gaarayo, taasina la isla afgartay.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM