Maxaa looga hadlay shirka guddiga amniga ee gobolka Mudug?

Image
Image
Image
Image
Image
Image
Image
Image

GAALKACYO, Puntland - Madaxweynaha dowlada Puntland, Siciid Cabdullaahi Deni oo safar shaqo ku jooga Gaalkacyo, ayaa wuxuu maanta Shir-guddoomiyey Shirka Guddiga Amniga ee Gobolka Mudug.

Kulanka oo looga hadlay Amniga Gobolka Mudug iyo guud ahaan Puntland, waxaa Madaxweynaha kala qeybgalay Taliyeyaasha Guud ee Ciidamada Daraawiishta iyo Booliiska ee Dowladda Puntland, La taliyeyaasha Madaxweynaha ee dhinaca Amniga, xubno ka mid ah Golaha Wasiirada iyo Xildhabaano qeyb ka ah wafdiga Madaxweynaha ee Gaalkacyo ku sugan.

Dhanka kale, madaxweyne Siciid Cabdullaahi Deni, ayaa xalay kulan kula qaatay qasriga Madaxtooyada ee Gaalkacyo Dhalinyarada Gobolka Mudug.

Dhallinyarada ayaa Madaxweynaha uga warbixiyay xaaladda dhallinyarada ee Gobolka, caqabadaha, fursadaha iyo dhismaha garoonka kubadda cagta ee Gaalkacyo Cawaale Stadium.

Deni ayaa ka jawaabay codsiga dhallinyarada ee ku saabsan dhismaha garoonka Cawaale stadium, wuxuuna balan qaaday dhameystirka dhismaha garoonka kubadda cagta ee Cawaale Stadium.

Da'yarta ayaa uga mahadceliyey Madaxweyne Deni sida Dowladda iyo hoggaaminta dalka uu door muhim ah uga siiyey, sidoo kale waxay dhallinyaradu soo dhoweeyeen hirgelinta nidaamka dimuqraadiyadda Puntland oo iyaga u ah fursad wanaagsan.

Geesta kale, Siciid Cabdullaahi Deni, Madaxweynaha dowladda Puntland Mudane, ayaa isla xalay kulan la qaatay waxgaradka iyo odeyaasha degmada Towfiiq ee Gobolka Mudug.

Waxgaradka degmada Towfiiq ayaa Madaxweynaha warbixin ka siiyey xaaladda guud ee deegaanka, sida dhinacyada Amniga, horumarka iyo Siyaasadda.

Ugu dambeyntii, Madaxweynaha Dowladda Puntland, Siciid Cabdullaahi Deni, ayaa kula dardaarmay Waxgaradka iyo Odeyaasha in ay ka shaqeynta midnimada, nabadgelyada iyo horumarka deegaanka.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM