Wararkii ugu damabeeyay Shirka Garowe [Qodobada loo gorfeeyay]
-
Wariyaha Muqdisho Garowe Online
- Posted On 07-05-2019, 12:05PM
GAROWE, Puntland - Waxaa maalintii 3aad galey wadahadalka u dhexeeya madaxda maamulada Soomaaliya iyo Dowlada Federaalka kaasoo habeenkii xalay goor dambe la isla gaarey.
Illo xog ogaal ah ayaa u dusiyey warsidaha Garowe Online in xalay isla qaatay; in Dowlada Federaalka ah ay hakiso sharciyada Batroolka, doorashooyinka iyo xisbiyada.
Xogta ayaa intaasi ku dareysa in sharciyada Bartoolka iyo Doorashooyinka Qaranka oo ay xukuumadu meel-marisay aan la horgeyn doonin Aqalka Hoose inta xal siyaasadeed laga gaarayo.
Kulankaan oo galabta la sheegey in la isugu soo noqonayo ayaa ajandaha ugu sareeya waxaa uu yahay in la xaliyo khilaafka u dhexeeya maamulka Galmudug iyo Villa Soomaaliya.
Xeerka Bartoolka ayaa lagu waday in Isniintii la horgeeyo Golaha Shacabka, balse fadhiga wuxuu u baaqday Kooram la'aan markii ay soo xaadiri waayeen tirada uu ku furmi lahaa.
Kulanka wadatashiga ee Garowe uga socda hogaamiyeyaasha siyaasada Soomaaliya ayaa la rajeynayaa in lagu xaliyo khilaafka waayadii ugu dambeeyey u dhexeeyey madaxda dowlada federaalka iyo maamuladda.
GAROWE ONLINE
