Erdogan: Soomaaliya waxay Turkiga ka codsatay in uu u baaro shidaal

Image

ANKARA, Turkey – Madaxweyne Recep Tayyip Erdogan ayaa Isniinta maanta ah sheegay in Dowladda Soomaaliya ay ku casuuntay Turkiga in uu u soo saaro shidaal markii ay heshiis dhanka badda ah la galeen Libya.

Isagoo wariyeyaasha la hadlay kadib shirka Libya ee Berlin, Erdogan ayaa tilmaamay in Turkiga uu tixgelinayo martiqaadka Soomaaliya, balse ma uusan bixin tafaasiil dheeraad ah oo ku aadan talaabada xigta.

"Waxaa jira dalab ka yimid Soomaaliya. Waxay nagu yiraahdeen: 'Badeena waxaa ku jira shidaal. Waxaad howlgalo ka sameyneysaan Libya, balse waxaad sidoo kale ka sameyn kartaa halkaan.' Tani waxay noo tahay mid muhiim ah," ayuu yiri, sidda uu baahiyey NTV.

Erdogan ayaa wuxuu ku daray: "Sidaas awgeed, waxaan qaadi doonaa talaabo ku saabsan howlgalkeena".

Hadalkan ayaa kusoo aadaya iyaddoo muddooyinkii dambe ay kordheen weerarada ka dhanka ah Turkida ku sugan Muqdisho.

Turkiga ayaa tan iyo 2011-kii kamid ah dowladaha taageerada ugu badan siiyaa Soomaaliya, waxaase ku wehliya Sacuudiga iyo Imaaraadka.

Labadii todobaad ee lasoo dhaafay, laba Turki ah ayaa la dilay, lix kelana waa la dhaawacay kadib markii lagu qarxiyey caasimada Soomaaliya. Shaqsiyaadkan waxay kamid ahaa shaqaalaha dhismaha jidka Afgooye.

GAROWE ONLINE

Related Articles

Ciidanka Soomaaliya oo La Wareegay Deegaano Muhiim ah oo Ka Tirsan Shabeellaha Hoose

Ciidamada ayaa sidoo kale nadiifiyay qaraxyo dhulka lagu aasay (miinooyin iyo waxyaabaha qarxa ee Al-Shabaab ay dhigeen).

  • Soomaliya

    28-08-2025

  • 05:18AM

Masar oo Bilawday Qorshe Ay Cadaadis Milatari Ku Saarayso Itoobiya

Ka dib markii uu dhacay khilaafkii u dhexeeyay Soomaaliya iyo Itoobiya ee la xiriiray heshiiskii Itoobiya la gashay Somaliland.

  • Soomaliya

    26-08-2025

  • 11:58AM