Shaqsi Soomaali ah oo si arxan daran loogu dhaawacay Malta

Image

MARSA, Malta – Mas'uuliyiinta waddanka Malta ayaa xaqiijiyey in dabley ay Jimcadii nin dalka Soomaaliya u dhashay ku dhaawaceen xaafadda Marsa.

Booliska ayaa shaaca ka qaadey in kooxaha hubeysan ee falkan ka dambeeyay ay weerarka u adeegsadeen Toorey ama Mindi.

Shaqsiga Soomaaliga ah oo magaciisa aan lasoo bandhigin ayaa waxaa la sheegayaa in dhaawaciisa uu yahay mid aad u daran.

"Dhibanaha markii loo geysanayey dhaawaca wuxuu marayey wadada weyn ee St Joseph oo ka tirsan magaaladda Hamrun," ayuu yiri sarkaal sarre.

Kadib falkaas foosha xun, waxaa loola cararay Isbitaal, halkaas oo baxnaano caafimaad oo naf-badbaadin loogu sameynayo.

Ma cadda sababta ay kooxaha hubeysan u beegsadeen 24-sano jirkaan oo aan wali la fahfaahin qaabka uu ku joogay waddankaas dhaca qaaradda Yurub.

Dambiileyaasha arxanka daran ayaa la tilmaamayaa in ay goobta ka baxsadeen kahor inta aysan imaan laamaha ammaanka oo baaritaano sameeyay.

Malta oo kamid ah wadamada loo dalxiis tago ee qaaradda Yurub ayaa waxaa sidoo kale uu marin u yahay qaxootiga Afrikaanka ee galaya qaaradaas.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM