Miyuu Suarez dabaal-degayaa hadii uu caawa gool ka dhaliyo Liverpool?

Luis Suarez, weeraryahanka Barcelona oo ku sugan bartamaha garoonka Liverpool | Xuquuqda Sawirka: Online

LIVERPOOL, UK – Liverpool ayaa caawa marti qaadi doonta Barcelona kulan ciyaareed ka tirsan lugta labaad heerka afar dhamaadka tartanka Champions League.

Lugtii koowaad oo ka dhacday qalcadda Camp Nou ee ay ku dheesho Bluagrana ayaa waxaa 3-0 looga soo badiyey kooxda kubada cagta Reds.

Kahor ciyaarta caawa, Luis Suarez, oo ka qayb qaatay goolashii lagu soo kala diray kooxda reer England ayaa caawa guul u rajeeyay naadigiisa.

Gooldhaliyahaan reer Uruguay ayaa shaaciyey in uusan dabaal-degi goonin hadii uu gool ugu shubo naadiga Premier League ka xamaalata.

"Ahmiyada uu leeyahay gool aad ka dhaliso Champions League qof walba waa uu og-yahay, mana dabaaldegi doono hadii aan [caawa] dhaliyo," ayuu yiri.

Suarez ayaa horey ugu soo dheelay Liverpool halkaasi oo uu kusoo qaatay sanad ciyaareedyo aad u qurux badan wallow uusan tartamo waawayn la hanan.

"Xushmad aan u hayaan Liverpool, hadii aan dhaliyo gool waxay ka dhigan tahay in aan dareemayo raaxo, Liverpool waana in ay iyaduna dhalisaa," ayuu raaciyey.

Sikastaba ha ahaatee, Liverpool ayaa u baahan wax ka badan saddex gool iyo in ay ilaashadaan shabaqadooda si ay ugu soo baxaan kama dambeysta tartanka.

GAROWE ONLINE

Wararkii ugu dambeeyey