Muhaajiriin ku dhintey Badda Dhexe oo lagu aasey wadanka Malta

Image

MALTA 23 April, 2015 (GO)- Waxaa lagu aasey wadanka Malta 24 kamid ah muhaajiriintii ugu badnaa ee ku dhintey doonyahii ku degey Badda Dhexe iyagoo kusii jeeda wadammada Yurub.

Dad tiradooda gaareyso 800 ayaa ku dhintey badda Mediterranean kadib markii doonta ay saarnaayeen ku dhacdey markab kuwa xamuulka ah ee marayey badaas.

Dadka muhaajiriinta oo ku dhintey badda u dhexeysa Libiya iyo Yurub ayaa gaaraya sanadkaan 1750 qof.

Madaxda wadamada Yurub ayaa maanta kulan ka leh sidii loola tacaali lahaa dadkaan qaxootiga ah ee kasoo raacaya doonyaha wadanka Libiya.

Dadka maanta lagu aasey wadanka Malta ayaa aaskooda waxa ka qayb galey dadkii qaxootiga ahaa ee ka badbaadey safarkaan baqdin lahaa, madaxda wadankaas iyo saraakiil ka tirsan hay'adaha caawina dadkaan muhaajiriinta ah.

Qoraal qabyo ah ayaa wararku sheegayaan in madaxda wadamada Yurub isku afgarteen in 5000 kamid ah dadkaas marka la xaqiijiyo iney yihiin qaxooti rasmi ah degnaansho loo raadiyo.

GAROWEONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM