Sarkaal Boliiska Kenya katirsan oo Lamu lagu dilay
-
- Posted On 26-12-2015, 04:25PM
26 December, 2015(GO)-Weerar loo adeegsaday Bomb lagu aasay waddo dhinaceed ayaa lagu dilay sarkaal katirsan ciidanka Booliiska Kenya, labo kalena waa lagu dhaawacay, sida ay xaqiijiyeen ururka Al-Shabaab iyo saraakiisha amniga Kenya.
Falkan ayaa ka dhacay deegan xeebeedka Lamu, waxaana fuliyay mallayshiyaad katirsan kooxda Al-Shabaab.
Afhayeen u hadlay kooxdaasi oo lagu magacaabo Sheekh Cabdulcasiis Abu Muscab ayaa Wakaaladda wararka Reutres u sheegay inay weerareen ciidanka oo ku sii jeeday Lamu, wuxuuna tilmaamay inay dhinteen tiro katirsan ciidanka, kadib markii miinadu qaraxday rasaasna la isweydaarsaday.
GAROWEONLINE
