​Trump: Putin Wuu ka Hoggaan Wanaagsan Yahay Obama

Image

Musharaxa Xisbiga Jamhuuriga ee madaxweynaha Mareykanka Donald Trump, ayaa ammaanay madaxweynaha Ruushka Vladimir Putin oo uu sheegay inuu ka hoggaan wanaagsan yahay madaxweynaha Mareykanka Barack Obama.

Isaga oo ka hadlayey kulan dadweyne oo uu qabtay taleefishinka NBC, ayaa Trump waxa uu sheegay inuu aaminsan yahay in haddii uu madaxweyne noqdo uu xiriir wanaagsan la yeelan doono Putin.

Waxa uu sidoo kale sheegay in Ruushka iyo Mareykanka ay leeyihiin dan isku mid oo ah inay ka adkaadaan kooxda Daacish.

“Russia waxa ay si xun u dooneysaa inay ka adkaato ISIS, si la mid ah sida aan u dooneyno” ayuu yiri Trump oo intaas ku daray in haddii xiriir wanaagsan ay le yeeshaan Russia ay si qarka ka tuuri karaan Daacish.

Donald Trump ayaa dhinac kalena ku celiyey fikirkiisa ah in Mareykanka uu qabsado goobaha saliidda laga soo saaro ee dalka Ciraq.

“Haddii aan qabsano goobaha saliida, ISIS ma jireyso, sababta oo ah ISIS waxa ay ku aas-aasantay awoodda iyo lacagta saliidda” ayuu yiri Donald Trump.

VOA

Related Articles

Masar oo Soo Dhawaysay Balanqaadka Trump ee xalinta Khilaafka Webiga Nile

Madaxweynuhu wuxuu si kulul u dhaliilay mashruuca biyo-xireenka Itoobiya, isagoo xusay in uu xannibayo biyihii webiga Nile.

  • Caalamka

    16-07-2025

  • 06:51AM

Xaaska Macron oo Dacwad ka gudbisay haween ah oo sheegay in markii hore Nin ahaan jirtay

Dacwadda waxay salka ku haysaa muuqaal YouTube ah oo la daabacay 2021, halkaas oo laba haween ah.

  • Caalamka

    15-07-2025

  • 09:11AM