Banaanbax ka dhan ah Muuse Biixi oo ka dhacay Laascaanood

Image
Image

LAASCAANOOD - Wararka laga helayo magaalada Laascaanood, ee xarunta gobolka Sool ayaa sheegaya in halkaasi oo maanta ka dhacay dibadbax ballaaran, oo looga soo horjeedo imaanshaha Madaxweynaha Somaliland Muuse Biixi Cabdi ee degmada.

Boqolaal qof oo isagu jira rag, dumar, carruur iyo waayeello oo kamid ah dadka degaanka ayaa isagu soo baxay wadooyinka Laasacaanood, iyagoo ku dhawaaqayay erayo ka dhan ah Madaxweyne Muuse Biixi Cabdi.

Waxay dadka banaanbaxayay wadooyinka ku gubeen taayarro, iyadoo isku dayay inay kahor istaagaan Wafdiga Muuse Biixi inuu soo galo magaalada Laacaanood, balse ciidamada Somaliland ay rasaas ku fureen dibadbaxiyaasha caraysan.

Madaxweyne Muuse Biixi Cabdi oo ay wehliyeen Wasiiro katirsan Xukuumadisa, Saraakiil ciidan iyo xubno kale ayaa maalmahaan booqasho ku maraya deegaanada Soomliland, oo Berbera iyo Burco ay kamid yihiin, waxaana Maanta ay tegeen Laascaanood.

Magaalada Laascaanood ayaa ka dhacayay mudooyinkii dambe dibadbaxyo looga soo horjeedo Somaliland iyo ciidanka halkaasi ka jooga, iyadoo dadka degan ay taageero u muujiyeen Puntland, oo maamul ahaan ay kamid yihiin.

Booqashada Muuse Biixi ee gobolka Sool, gaar ahaan Laascaanood ayaa kusoo beegmaysa xilli ciidamada Somaliland iyo kuwa Puntland isku hor-fadhiyaan Tukaraq, halkaasi oo maamulkaasi dagaal kula wareegay January 2018.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM