X
FAHFAAHIN:

Kiisaska Coronavirus ee Soomaaliya ayaa gaarey 8 kadib markii qof degan Muqdisho uu soo ritay cudurka. Riix Halkan

Dagaal ka qarxay Sanaag kadib markii Somaliland duulaan kusoo qaadey

Puntland

GAROWE, Puntland - Dagaal u dhaxeeya ciidamada difaaca Puntland iyo kuwa maamulka Somaliland ayaa maanta oo Arbaco ah ka qarxay qeybo kamida gobolka Sanaag, oo Puntland ay maamusho.

Wararka uu Warsidaha Garowe Online ka helay saraakiisha gobolka ayaa sheegaya in dagaalka uu billowday kadib markii ciidamada maamulka Somaliland, oo ka yimid dhinac Yube ay weerar kusoo qaadeen saakay degmada Hadaaftimo.

Dadka degaanka ayaa soo sheegaya inay maqlayaan rasaas iyo hubka culus oo labada dhinac isku adeegsanayaan, iyadoo ciidamada dowladda Puntland ay iska caabiyeen, islamarkaana dib u celiyeen kuwa kusoo duulay.

Khasaaraha labada dhinac iyo dadka shacabka ah, ayaan wali la ogeyn, maadaama ay adag tahay in la helo xog sax ah oo ku saabsan dagaalka oo la sheegay inuu wali socdo.

Duulaanka ciidamada Somaliland ee Hadaaftimo ayaa imaanaya xilli maalintii shalay uu dagaal ka dhacay degmada Laasqorey oo katirsan isla gobolka Sanaag, kaasoo u dhaxeeyay sida la sheegay ciidamo taabacsan gudoomiyaha gobolka iyo kan degmada Badhan, oo Somaliland soo magacawday.

Somaliland ayaa mudo sanado ah duulaan ku ahayd degaanada hoos-yimaada Puntland ee gobollada Sool iyo Sanaag, xilli beesha caalamka ay waday dedaallada lagu soo afjaro colaadda gaamurtay ee labada maamul u dhaxaysa.

GAROWE ONLINE

 

Wararkii ugu dambeeyey