Maamulka gobolka Mudug oo baaq u diray bulshada

Image

January 3, 2015 (GO)- Maamulka gobolka Mudug ayaa ugu baaqay qaybaha kala duwan ee bulshada inay hay'adaha ammaanka si dhow ula shaqeeyaan, si looga hortago falalka nabadgelyada lidka ku ah gacantana  loogu soo dhigo qas-wadeyaasha.

Guddoomiye ku-xigeenka labaad ee gobolka Mudug Axmed Muuse Nuur oo maanta shir-saxaafadeed ku qabtey Galkacayo ayaa sheegay in haddii la waayo taageerada bulshada adkaan doonto in ammaanka si buuxda loo sugo.

Dhanka kale guddoomiye ku-xigeenka oo la weydiiyey su'aal ahayd " maxaa ka jira in ciidamada ammaanku joojiyeen hawlgalladii roondada kadib markii mushaharaadka laga jaray" wuxuu qiray in ciidanku dhowr bilood mushahar qaadan balse taasi la micne ahayn in musharaadka laga jaray shaqadoodana si joogto ah usii wataan.

Ugu dambeyntii wuxuu sheegay in xiriir fiicani kala dhexeeyo laamaha ammaanka ee Galmudug si dhowna uga wada shaqeeyaan qabqabashada iyo ka hortagga kooxaha geysta falalka ammaanka lidka ku ah.

Labadii asbuuc ee ugu dambeeyey waxaa magaalada Gaalkacayo ka dhacay saddex qarax oo lala beegsaday gaari uu watey guddoomiye ku-xigeenka koowaad ee gobolka Mudug Farxaan Cali Xirsi, Radio Galkacayo iyo bas ay la socdeen macallimiin Kenyan ah oo wax ka dhiga dugsiga Yameska.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM