Roob doon ka dhacday magalada Garowe [Dhagayso]

Image

12 Octobar, 2015(GO)-Waxaa maanta magalada Garowe caasumadda Puntland lagu qabtay banaan bax Roob doon ah oo dhawaan shaacisay xukuumadda Puntland.

Fagaaraha u dhaw xerada 54-aad ee duleedka Waqooyi Garowe ayaa lagu qabtay isusoo baxa, waxaana ka soo qayb galay maamulka gobolka Nugal, kan degmada Garowe, dadweyne farabadan.

Roob doonta waxaa ku dhawaaqday sabtidii la soo dhaafay wasaaradda cadaaladda Puntland, waxaana kulankii maanta ka maqnaa inta badan golaha xukuumadda Puntland, waloow ay joogeen wasiirka beeraha iyo Agaasimayaal dhawr ah.

Labo rakcadood oo sunne ah ayaa goobta lagu tukaday, waxaana culimaa'udiinka Puntland soo jeediyeen wacdi ay bulshada ugu baaqayeen in la iscafiyo lagana waantoobo xumaanta ALLE-na loo laabto.

Roobka Dayrta ayaa ka hooray qaybo ka mid ah Puntland, waloow ay jiraan goobo badan oo ka jirto abaar iyo kulayl.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM